12/10/2009 2:07:17 PM

Qeveria e Kosoves, perkujton 30 vjetorin e dhenies se cmimit Nobel per Nene Terezen

U përkujtua Nëna Terezë në 30 vjetorin e nderimit të saj me çmimin Nobel

info@hermesnews.org
10 Dhjetor 2009

PRISHTINE- Në Ditën Ndërkombëtare të të Drejtave të Njeriut, në Prishtinë u përkujtua sot laureatja e çmimit Nobel për Paqe, Nëna Tereze. Sot mbushen 30 vite që kur ajo mori çmimin prestigjioz. Presidenti Fatmir Sejdiu tha se “Nëna Terezë është me prejardhje shqiptare, por ajo mbetet bijë e njerëzimit që jetën e saj ja dedikoi përhapjes së humanizmit në nivel botëror”.

Presidenti, Sejdiu duke revokuar kujtimin për jetën dhe veprën e humanistes shqiptare, Nëna Terezë, tha se ajo me dashurinë dhe përkushtimin e saj përhapi humanizmin në mbarë botën, por duke mos harruar asnjëherë prejardhjen e saj, prej shqiptareje. Ai e quajti atë bijë të njerëzimit që jetën e saj e flijoi për të tjerët.

Imzot Dodë Gjergji, Ipeshkëv i Ipeshkvisë të Kosovës tha se me veprën e saj ajo kishte arritur të bëhet Nënë e njerëzve të varfër. Ai e quajti atë “dritë në botën e errët” për shqiptarët dhe për mbarë njerëzimin. Ndërsa për jetën dhe veprën e Nënës Terezë foli Don Lush Gjergji, njeriu që konsiderohet si njohës i mirë i biografisë së saj.

Me rastin e 30 vjetorit të nderimit me Çmimin Nobel për Paqe të Nënës Terezë, në Prishtinë u mbajt akademia e organizuar nën kujdesin e Presidentit të Kosovës, Fatmir Sejdiu. Me këtë rast presidenti Sejdiu ka shpallur vitin 2010, “Viti i Nënës Terezë”, pasi vitin e ardhshëm është 100 vjetori i lindjes së saj. Nëna Terezë është nderuar me çmimin Nobel për Paqe, në vitin 1979.

HermesNews - ©2009

Dërgo me email | Stampo artikullin | Artikulli është lexuar 294 here