11/27/2009 11:48:21 AM

Presidenti Sejdiu uron qytetarët per Kurban Bajramin

'Me këtë rast, në këtë prag feste, dua të rikujtoj se Republika e Kosovës, duke qenë një vend i tolerancës dhe i bashkëjetesës së shkëlqyeshme të qytetarëve që u përkasin etnive dhe besimeve të ndryshme, reflekton një kulturë të jashtëzakonshme fetare.'

27 Nëntor 2009
info@hermesnews.org

PRISHTINË - Presidenti i Republikës së Kosovës, dr. Fatmir Sejdiu ua ka uruar qytetarëve të vendit festën e Bajramit të Vogël. Në urimin e Presidentit Sejdiu thuhet: "Të gjithë qytetarëve dhe besimtarëve të Republikës së Kosovës ua uroj festën e Bajramit të Vogël, e cila forcon besimin në Zotin, mirëkuptimin, nderimin dhe dashurinë në mes njerëzve. Kjo festë simbolizon sakrificën për të mirën, për paqen dhe lumturinë e të gjithë njerëzve, kudo në botë, duke e rritur ndjenjën e dhembshurisë dhe të bamirësisë për njerëzit që kanë nevojë për ndihmë dhe solidaritet. Sivjet, Republika e Kosovës po e shënon këtë festë me arritje të mëdha në të gjitha fushat...Me këtë rast, në këtë prag feste, dua të rikujtoj se Republika e Kosovës, duke qenë një vend i tolerancës dhe i bashkëjetesës së shkëlqyeshme të qytetarëve që u përkasin etnive dhe besimeve të ndryshme, reflekton një kulturë të jashtëzakonshme fetare, të cilën e gjithë bota e çmon si një pasuri të veçantë të vendit tonë. Le të punojmë të gjithë së bashku me tërë dijen dhe vullnetin tonë të mirë që ky vlerësim i lartë të mos zbehet asnjëherë! Urime dhe me fat Bajrami i Vogël! Paqja dhe harmonia mbretërofshin në secilën familje të Kosovës! Zoti e bekoftë Republikën e Kosovën dhe popullin e saj!”, thuhet ne urimin e Presidentit Sejdiu.

Dërgo me email | Stampo artikullin | Artikulli është lexuar 334 here