11/26/2009 4:50:07 PM

Kosova, sipas modelit te Rugoves

Meta: 'Themelet e shtetit të Kosovës, të ndërtuara mbi vizionin e Rugovës.'

26 Nëntor 2009
info@hermesnews.org

PRISHTINË - Zv. Kryeministri dhe Ministri i Punëve të Jashtme të Shqipërisë, Ilir Meta, sot paradite bëri homazhe te Memoriali i Presidentit Ibrahim Rugova si dhe vizitoi familjen Rugova në Velani. "Themelet e shtetit të ri të Kosovës janë ndërtuar mbi vizionin e tij, në frymën demokratike, paqësore dhe evropiane", theksoi Meta. "Është obligim dhe kënaqësi për të vendosur një kurorë pikërisht në këtë vend të shenjtë për Kosovën, ku prehet Presidenti Rugova njeriu që ka dhënë kontribut të jashtëzakonshëm për njohjen dhe afirmimin e çështjes së Kosovës në gjithë botën demokratike. Njeriu i cili i dedikoi gjithë jetën e tij Republikës së Kosovës. Dhe pa diskutim shteti i ri i Kosovës ka themelet e tij, kontributin e tij, vizionin e tij për një Kosovë demokratike, paqësore e evropiane", theksoi zv/kryeministri Meta.

HermesNews - ©2009

Dërgo me email | Stampo artikullin | Artikulli është lexuar 327 here