10/30/2009 11:07:54 AM

Shqipëria duhet të ankorojë të ardhmen e saj në BE

Intervista/ Flet për Hermesnews, Sekretari i federatës rajonale piemonteze Alfonso Sabatino: 'Nuk arrij të kuptoj dhe nuk kam elemente të mjaftueshëm për të gjykuar pse Bashkimi Europian po tregohet diponibël për të hequr rrëgjimin e vizave për shtetasit serb, malazez maqedon dhe jo për shqiptaret.'

Intervistoi Doriana Metollari
drejtor@hermesnews.org
30 Tetor 2009

TORINO (ITALI) - Në momentin që Bashkimi Europian është i ndarë për hapjen e dyerve ose ndaj vendeve të Ballkanit Perëndimor, një çështje ende e pazgjidhur mbetet ende Traktati i Lisbonës dhe kushtet e reja të sjell për adezionin e vendeve pas hyrjes së tij në fuqi. Thelbi i çështjes mbeten ndarjet politike që ekzistojne brenda vendeve anëtare të Bashkimin Europian por dhe burokracite e reja qe sjell ky Traktat çfarë përbën anën teknike të çështjes. ''Traktati i Lisbonës, nuk ka hyrë ende në fuqi, por ekzistojnë me siguri probleme në shtete të veçanta anëtare për menaxhimin e fluksit migrator, transparencës së procedurave, lëshimin e pasaportave ose kartave të identiteteve nga ana e vendeve të origjinës, besueshmëria e organizmave të deleguara për sigurinë publike dhe drejtësinë.'' - tha gjatë një interviste për Hermesnews, Sekretari i federatës rajonale piemonteze dhe ekspertit të së drejtës europiane Alfonso Sabatino..

Hermesnews: A kanë ndryshuar kushtet e reja në të cilat do të vihet përballë Shqipëria në rrugën drejt afrimit me Bashkimin Europian?

Sabatino: Nga momenti që problemi në thelb është adezioni i Shqipërisë në Bashkimin Europian, duhet mbajtur parasysh mbi të gjitha kushtet që duhet të përmbushë vendi për të kaluar të ashtuquajturat “provimet e pranimit”. Kushtet që kërkuat ju, njihen si kriteret e Kopenhagen-it, meqe janë vendosur nga Këshilli i Europës në vitin 1993 në Kopenhagen, takim që u zhvillua në kryeqendrën daneze në prag të zgjerimit të Bashkimit Europian ndaj vendeve ish komuniste dhe po i përmbledh në:

-Institucione të qëndrueshme që te garantojnë demokracinë, shtetin e se drejtës, respektimin e të drejtave të minorancës dhe mbrojtjen e tyre (kriterin politik);
-Një ekonomi tregu që të funksionojë dhe të jetë e aftë t’i bëjë ballë forcave të tregut dhe konkurrencës së BE-së (kriteri ekonomik).
-Mundësisë për të përballuar impenjimet që vijnë nga adezioni, duke kontribuar për të ndjekur objektivat e Unionit. Anëtarët e rinj duhet veç të tjerash të kenë një administrate publike dhe gjyqësore të përshtatshme (kriteri i acquis comunitario). Struktura administrative gjyqësore u shtua nga Këshilli Europian i Madridit (1995) që ligjet europiane te adoptohen siç duhet në ligjet nacionale. Nuk duhet harruar se të ashtuquajturat kritere përbejnë një pikë orientuese të përgjithshme në të cilët duhet te inserojme evoluimin e aseteve komunitare çfarë sjell azhornimin e kushteve te pjesëmarrjes për te gjithë shtetet anëtare.

Këtu i referohem, në mënyrë specifike hyrjes në fuqi të traktatit të Lisbonës (TdL) dhe Kartës së të drejtave themelore të Bashkimit Europian në të cilën bën pjesë (artikulli 2,3 e 6 i TdL). Karta vendos në Titullin V të nënshtetësisë disa principe decisive për te drejtën elektorale dhe të drejtën e administratës efikase ne Titullin VI, te drejtën për te patur një gjykatës se pavarur, prezumimin e pafajësisë dhe te drejtën për t’u mbrojtur, principi i ligjshmërisë të proporcionalitetit te krimeve dhe dënimeve.

Shqipëria, duhet te ketë parasysh kufijtë e rinj te lirisë, te demokracisë dhe solidaritetit dhe po ndërtojmë ne Europe, dhe qe karakterizojnë ”European way of life” ose “Modelin europian të jeteses”. Përsa i përket detyrave të ardhshme, mendoj se ajo duhet të punojë paralelisht dhe ne mënyrë te koordinuar për te promovuar shtetin e së drejtës dhe reformave ekonomike, ashtu dhe zhvillimin e brendshëm.

Hermesnews: ‘Jo’-ja e liberalizimit të vizave të Shqipërisë me BE-në përbën një problem teknik, pas modifikimit të strukturave të inseruara nga traktati i Lisbonës?

Sabatino:Nuk mund t’ju përgjigjem në planin teknik. Por shtoj se mund të ekzistojnë disa vështirësi subjektive. Italia vetë hyri me vonesë në Schengen, heqjen e kontrolleve në kufi, për arsye teknike siç ishte vendosja e sistemit informativ. Traktati i Lisbonës nuk ka hyrë ende në fuqi, por ekzistojnë me siguri probleme në shtete të veçanta anëtare, për menaxhimin e fluksit migrator, transparencës së procedurave, lëshimin e pasaportave ose kartave të identiteteve nga ana e vendeve të origjinës, besueshmëria e organizmave të deleguara për sigurinë publike dhe drejtësinë. Nuk arrij të kuptoj dhe nuk kam elemente t mjaftueshëm për të gjykuar pse Bashkimi Europian po tregohet diponibel për te hequr rrëgjimin e vizave për shtetasit serb, malazez maqedon dhe jo për shqiptarët.




Nëse po e dëgjon,
do të thotë se funksionon!


Hermesnews: Sipas jush do t'i duhet dhe shumë kohë Shqipërisë për të hyrë përfundimisht në Bashkimin Europian?

Sabatino:Për fat jo të mirë nuk është e lehtë t'i bësh këto parashikime. Personalisht besoj se Bashkimi Europian ka një boshllëk brenda kufijve të saj që shprehet në zonën e Ballkanit Perëndimor. Zgjerimin i plote, është me mire për te gjithë. Bashkimi Europian, prej kohesh duhet te kishte gjetur kurajon dhe impenjimin qofte për te evituar ne vitet ’90 luftërat civile ne ish jugosllavi, qofte dhe për te lejuar një zhvillim te shpejte ekonomik, civil dhe social ne te gjithë rajonin. Shume varet dhe nga Shqipëria. Çdo pjesë e kostos të këtij procesi të adezionit bie në përgjegjsinë e klasës drejtuese dhe ndërgjegjësimin e popullit shqiptar. Këtu duhet afirmuar se, rruga e adezionit është dhe mësuesja e modernizimit, dhe kostot qe duhet mbajtur mbi shpatulla vjen një dite dhe paguhen. Mund t’ju kujtoj se Italia ka fituar shume nga sakrificat fiskale te viteve ‘90 për pjesëmarrjen ne euro, dhe pse debati politik nuk e ve shume ne evidence këtë gjë. Pa euron dhe ne prezencën aktuale te krizës ekonomike, financiare Italia sot do të ishte një shtet i falimentuar, i shkatërruar nga inflacioni i brendshëm i zhvlerësimit te lira-s ndaj partnereve evropian. Me këtë nuk dua te pohoj, se Italia nuk ka probleme te pazgjidhura ende nga ana financiare, publike dhe në sistemin administrativ e gjyqësor, por pjesëmarrja në Bashkimin Europian ofron një skude që të kufizon nga sjellje të devijuara. Dhe Shqipëria përfiton avantazhe nga procesi i afrimit dhe me siguri, siç ka ndodhur për Spanjën, Slloveninë, Sllovakinë, dhe vende të tjera të Europes lindore, sapo kriteret e Kopenhagen-it, do te plotësohen, Shqipëria do të ankoroje të ardhmen e saj në shtëpinë europiane.





Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 936 here