10/26/2009 5:09:16 PM

Eliza Dushku, puthja me Rick Fox

Eliza Dushku, e cila luan rolin kryesor në serialin televiziv 'Shtëpi kukullash', thuhet se është dashuruar me aktorin me ngjyrë, kanadez, që është një nga ish-yjet e basketbollit profesional amerikan, Rick Fox.

Beqir Sina/ New York
BeqirS@aol.com
26 Tetor 2009

LOS ANGELES CALIFORNIA - Fjalët janë se ata të dy, Eliza Dushku, aktorja me origjinë shqiptare e basketbollisti ''pensionist'' Rick Fox, aktualisht artist filmash, duket se po ecin në një marrëdhënie dashurie, teksa ata janë parë se kanë shkuar së bashku për disa herë, në plazhet ekzotike të Miami Beach në Florida dhe kazinotë e Las Vegasit në Nevada.

Eliza Dushku, e cila luan rolin kryesor në serialin televiziv "Shtëpi kukullash", thuhet se është dashuruar me aktorin me ngjyrë, kanadez, që është një nga ish-yjet e basketbollit profesional amerikan, Rick Fox. Fjalët thonë se të dy së bashku janë parë në ''marrëdhënie të nxehta''.

Megjithëse në sytë e gazetarëve "ata janë duke u përpjekur të fshehin marrëdhënien e tyre, nuk mund të mohojne ndonjë të puthur të nxehtë që kanë fokusuar paparacët. Disa revista rozë amerikane thonë se ata vetë deri tani nuk kane mohuar se behet fjale për një lidhje te nxehtë''.

Lajmin e dha revista “Star Magazine”, e cila i "akuzon" se ata janë në fillimin e një lidhje të re dashurie. Revista shkruan pak ditë më parë se "ajo (Eliza) është plotësisht e pushtuar me të (Rick Fox) dhe ata të dy kalojnë një kohë të mrekullueshme së bashku".

Para se të niste këtë romancë të saj, të dyshuar me Rick Fox, Eliza Dushku ka pasur një lidhje dashurie me Brad Penny, i cili aktualisht luan për Major League Baseball për Boston Red Sox. Megjithatë, Eliza njoftoi qysh në fillim të shkurtit të këtij viti që e kishte "prishur" lidhjen imtime me Brad Penny.

Ndërsa për Rick Fox, revista “Star Magazine” thotë se ai më parë ishte i martuar me aktoren dhe këngëtaren Vanessa Williams dhe se ata kanë një vajzë me emrin Sasha.

HermesNews - ©2009

Dërgo me email | Stampo artikullin | Artikulli është lexuar 477 here