10/16/2009 9:03:13 AM

A mund të quhem azilkërkues?

Letër Avokatit/ Përshëndetje, quhem A dhe jetoj në Itali që prej disa vitesh. Doja t'ju pyesja, a kanë të drejtë të kërkojnë azil politik në Itali ata që largohen nga Shqipëria për gjakmarrje?

16 Tetor 2009
info@hermesnews.org

Përgjigje/ Fillimisht do të doja të theksoja që normativat ndërkombëtare të lidhura me azilin politik – qe rrjedhin nga Konventa e Gjenevës e vitit 1951 - janë të ngjashme ne te gjitha ato vende qe e kane nënshkruar atë.

Ligji italian në këtë fushë parashikon kushtet në të cilat duhet dhënë statusi i refugjatit. Këto kushte përfshijnë te gjitha rrethanat dhe arsyet qe ndikojnë drejtpërdrejt mbi shkeljen e te drejtave themelore te njeriut. Me konkretisht ato i referohen akteve zyrtare, veprimtarisë ligjore ose aktiviteteve policore te një shteti qe sundojnë ne shkeljen e te drejtave themelore dhe qe mund te sjellin një diskriminim ose një persekucion kundër personave te caktuar – ne saje te pozicioneve ne te cilat ata ndodhen. Arsyet për te cilat parashikohet dhënia e statusit te refugjatit janë te lidhura me rracen, fene, seksin, nacionalitetin ose opinionin politik te personave te ndëshkuar. Gjithashtu duhet vene ne pah – pasi është e lidhur ngushte me pyetjen e sotme – fakti qe veç azilit politik qe mund te jepet për arsyet e mësipërme, ekziston edhe një tjetër lloj statusi: i ashtuquajturi mbrojtja ndihmese e përkohshme. Ky mund te jepet atyre personave qe ndodhen përballë një rreziku konkret qe mund te vije ne vendin e tyre ne saje te një dënimi me vdekje ose te torturave dhe kërcënimeve te një niveli te tille qe shkelin drejtpërdrejte te drejtat themelore.

Av. Lulzim Hamitaj
info@studiolegalehamitaj.com
00 39/ 06 3225895

Ne rastin konkret mund te ekzistojnë mundësitë qe ne rast te një prove te dokumentuar te rrezikut te jetës se një personi komisioni i posaçëm mund te japi një mbrojtje te përkohshme deri ne përfundimin e rrethanave kërcënuese. Kuptohet qe i njëjti rast nuk mund te plotësojë kushtet për te përfituar një azil politik pasi rrethanat e vështira nuk janë te diktuara nga ligjet, rregullat, aktet zyrtare shtetërore por nga aktivitete private.




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 712 here