10/8/2009 6:55:15 PM

I shpeton aksidentit Xhim Belushi

Aktori me origjinë shqiptare, Xhim Belushi, dhe aktorja Brooke Shields, u përfshinë në një aksident të vogël ajror.

8 Tetor 2009
info@hermesnews.org

LOS ANGELOS CALIFORNI - Mediat amerikane bëjnë të ditur se, Belushi është aksidentuar ndërsa avioni i tij po kryente uljen në pistën e zbritjes.

Sipas të dhënave paraprake, ai tashmë gjendet jashtë rrezikut për jetën dhe se nuk ka dëmtime serioze, por gjithsesi frika ka qenë e madhe për jetën e aktorit të njohur.

Në njoftimin zyrtar thuhet se së bashku me komedianin e njohur me origjinë shqiptare James Belushi në aeroplan ishte edhe aktorja e filmave, artisija Brooke Shields. Yjet e Hollivudit, ishin duke u kthyer nga fluturimi, ku së bashku kishin qënë për të marrë pjesë në një darkë, në një lokal privat, pasuri e tyre në Hearst Castle.

Thuhet se piloti e uli aeroplanin e vogël privat, në mënyrë jo të sigurtë, pasi personi që drejtonte aeroplanin, kishte harruar për të siguruar frenat.



Kështu që aeroplani bëri një rrëshqitje të menjehershme, deri sa u përplasë në një makinë, në parkingun e pritjes, duke shkaktuar disa dëme materiale.

Askush nuk ishte i lënduar në këtë përplasjes, për sa informon CNN, duke cituar një raport të revistës People.

'Piloti doli pari jashtë, aeroplanit, por, ai harroi të vendosi frenat e parkimit' - tha nje prej pasagjereve te tjere. Zëdhënësi i policisë gjithashtu konfirmoi, se incidenti ishte mjaft fatkeq, por, fatmirësisht, askush nuk është lënduar dhe nuk eshte kërkuar ndihmë mjekësore. Belushi vetë deri tani nuk bëri asnjë koment.

Dërgo me email | Stampo artikullin | Artikulli është lexuar 486 here