10/6/2009 5:13:32 PM

Dy vende, një ideal

Kryeministri i Shqipërisë, Sali Berisha qetëson mediat serbe: 'Ideali kombëtar i shqiptarëve është ideali europian'. Thaci: ' Kombi yne do të punojë për standartet euroatlantike.'

Doriana Metollari
6 Tetor 2009

PRISHTINË (KOSOVË) -

Kryeministri i Shqipërisë, Sali Berisha i cili ndodhet për një vizitë dy ditore në Prishtinë, sqaron deklaratat e komentuara si një provokacion nga disa media serbe dhe ruse. "Kombi shqiptar është një dhe i pandarë në shpirtin dhe identitetin e tij, ndërsa Shqipëria dhe Kosova janë dy vende të ndryshme, por ideali kombëtar i shqiptarëve është ideali europian", tha ai.

"Nuk ka në botë dy vende që të kenë më tepër të drejtë për t'u konsideruar vëllezër se sa Shqipëria dhe Kosova. Shqipëria dhe Kosova nuk janë vende të huaja për njëra-tjetrën." - tha Kryeministri Berisha, i cili në këtë mënyrë hodhi poshtë komentet e mediave serbe që nxiten Ministrinë e Jashtme Ruse të kërkojë një reagim nga ana e BE-se për ''elimiminin e pengesave që pengojnë shqiptarët të ndjehen të bashkuar në tërë territorin në të cilin jetojnë''.







Po në këtë konferencë, Kryeministri i Kosovës, Hashim Thaçi u shpreh se "dy qeveritë po punojnë për tejkalimin e padrejtësive dhe për një realitet në një projekt të vlerave euroatlantike. Shqiptarët jetojnë në shumë shtete, por ne jemi një komb që po punojmë fuqishëm për zbatimin e standardeve më të larta euroatlantike", tha ai. ''Vendet e rajonit duhet t’i konsiderojnë Kosovën dhe Shqipërinë si dy vende mike të partneritetit, bashkëpunimit, paqes dhe stabilitetit", shtoi Thaçi.

Vizita e kryeministrit Berisha, në Kosovë, u pa si një hap i mëtejshëm për forcimin e marrëdhënieve mes të dyja shteteve, çfarë u hap dritën jeshile qytetarëve kosovare, por kjo lidhje dhe mbajtja e një roli aktiv ne arenën ndërkombëtare, shikohet me frike nga fqinjët e Kosovës, te cilët hera herës bien ne ankthin e ëndrrës shekullore për një ''Shqipëri te Madhe'', çfarë sigurisht nuk do të kalonte pa ngjallur vatra zjarri ne Ballkan, por me sa duket dy liderët ai shqiptar dhe kosovar, e kane kuptuar me se miri se integrimi i Shqipërisë dhe Kosovës ne Bashkimin Europian është rruga me e sigurt për t’u dhënë shqiptareve diçka me të mirë se një ëndërr, një realitet europian.




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 647 here