10/2/2009 11:32:42 AM

Schwarzenegger, Polanski si te tjeret

Schwarzenegger ka autoritetin, si guvernator i Kalifornisë, që t'i japë faljen Polanskit, nëse kërkohet, pas ekstradimit të regjisorit të filmit të famshëm 'Chinatown'.

2 Tetor 2009
info@hermesnews.org

LOS ANGELOS (SHBA) - Guvernatori i Kalifornisë, Arnold Schwarzenegger tha sot se regjisori i famshëm hollivudian Roman Polanski duhet të trajtohet njëlloj si gjithë njerëzit e tjerë, nëse vjen në SHBA të për t'u përballur me dënimin për marrëdhënie seksuale me një vjazë 13-vjeçare në vitin 1977. I pyetur nëse do të shqyrtohet falja e Polanskit, aktori aktualisht guvernator deklaroi për CNN-in se 'do të përballej me këtë situatë në të njëjtën mënyrë si me këdo tjetër'.

Schwarzenegger ka autoritetin, si guvernator i Kalifornisë, që t'i japë faljen Polanskit, nëse kërkohet, pas ekstradimit të regjisorit të filmit të famshëm 'Chinatown', i cili u arrestua në Zvicër këtë fundjavë pas një urdhërarresti amerikan. Polanski, i cili ka kombësi polake dhe franceze, u largua nga SHBA-ja në vitin 1978 pasi u vetëdeklarua fajtor në një gjykatë të Kalifornisë, për marrëdhënie seksuale me një të mitur.

HermesNews - ©2009

Dërgo me email | Stampo artikullin | Artikulli është lexuar 391 here