9/30/2009 9:09:26 AM

Dekreti mbi sigurinë dhe emigrantët

Kendi i Avokatit/ Përshëndetje Z. Avokat. Jetoj në Itali që prej dhjetë vitesh dhe do të desha të informohem më mirë mbi modifikimet e fundit të normave mbi të huajt dhe klandestinët në veçanti.. A mund te aplikohen ato për ata qe kane bere kërkese për t’u legalizuar?

info@hermesnews.org
30 Shtator 2009

Shteti Italian ka ashpërsuar normat qe janë te lidhura me qëndrimin, banimin, largimin dhe dënimin e krimeve te te huajve, me futjen ne fuqi ne datën 15/07/2009 të ashtuquajturit "dekret mbi sigurinë".

Para se te shohim disa aspekte të këtij dekreti, qe nuk i kemi shqyrtuar deri tani, do të doja të specifikoja diçka mbi situatën e atyre klandestineve qe punojnë neper familje dhe qe kane paraqitur - nëpërmjet punëdhënësve te tyre - kërkesën e legalizimit.

Është e njohur që periudha e paraqitjes se dokumenteve, me fillim më një Shtator, do të përfundojë me datën tridhjete te këtij muaj.

Gjate kësaj periudhe janë të pezulluara thuajse te gjitha masat e ashpërsuara mbi klandestinet, por duke filluar nga muaji tetor këto do te aplikohen rregullisht.


Av. Lulzim Hamitaj
info@studiolegalehamitaj.com
00 39/ 06 3225895

Një tjetër çështje e lidhur me këtë procedure duhet te jete e qarte: kush ka marre një esplus ose një ftese largimi (foglio di via) nuk do te përfitojë, pasi ata janë te padëshirueshëm ne Itali, dhe për te hequr efektin negativ (te bllokimit te procedurës) ata duhet te kishin bere (ose te bëjnë nëse do t'ju mjaftoje koha - para se kuestura te japë përgjigje negative ne prefekture) një kërkesë speciale ne Ministrinë e Brendshme italiane për heqjen e pengesave te esplusit. Kjo kërkesë duhet te dorëzohet ne ambasadën ose konsullatën e Italisë ne Shqipëri.






Duke u rikthyer te dekreti i sigurisë, do te vija ne pah këto te reja:

1- Largimi me esplus për çdo te huaj (me dokumente) qe dënohet, për një krim, me me shume se dy vjet burg. Deri ne korrik kjo mase parashikohej për ata qe dënoheshin me me shume se 10 vjet burg;
2- Kush ka marre një espulsion por nuk është larguar nga Italia, dënohet nga një deri ne 4 vjet burg, ose me një gjobe nga 5000 - 10000 €, kuptohet qe aplikimi i dënimit varet nga gjykatësi, i cili e përcakton atë ne baze te personit qe ka përballë. Këtu ndikon përsëritja e kundërvajtjes, pasjes apo jo e dënimeve penale ose esplusve te tjerë;
3- Kush jep te dhëna identiteti fallco, ose te modifikuara, dënohet deri ne 6 vjet burg. me pare ishte deri ne 3 vjet;
4- Kush dënohet për një krim (çfarëdo), dhe ndërkohë është edhe klandestin, dënimi i parashikuar për krimin e kryer rritet deri ne 1/3 e tij;
5- Kushdo qe jep me qira nje klandestini, shtëpinë e vet, dënohet deri ne tre vjet burg.

Uroj te gjithë lexuesve te zgjidhin problemet (e mundshme) e tyre, pa rene ne grackën e këtyre ashpërsimeve ligjore.



Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 654 here