9/23/2009 12:17:15 PM

Firera, 'Zgjedhjet, erë pozitive për Shqipërinë

Proçesi i integrimit të emigranteve shqiptar, sidomos atyre të Piemontes, ka kaluar nëpër disa faza të rëndësishme. Nëse sot, numri i firmave shqiptare është ne rritje dhe bizneset tona në Itali, vazhdojnë t’i qëndrojnë fort erës se krizës financiare që ka prekur botën, kjo i detyrohet dhe njohjes që u bën Konsullata Shqiptare ne Torino, vlerave shqiptare në Itali.

Nga Doriana Metollari
drejtor@hermesnews.org
23 Shtator 2009

TORINO (ITALI) - 'Një erë ndryshimesh' i ka quajtur Konsulli Honorar i Shqipërisë ne Piemonte Giovanni Firera, zgjedhjet parlamentare që u mbajtën në vendin tonë me 28 Qershor të këtij viti.


Konsulli italian, të cilit kohët e fundit, Presidenti i Shqipërisë Bamir Topi i akordoi nënshtetësinë honorare shqiptare, shprehet i bindur për perspektivat pozitive qe ka Shqipëria te cilën ai ne çdo bisede e quan 'atdheun e tij te dyte'.



Presidenti i Grupit Intesa San Paolo Ing Enrico Salza,
Zv.Ambasadori Shqiptar në Romë Zef Bushati,
Konsulli Honorar Shqiptar Giovanni Firera


Firera është promotor i suksesshëm shume binjakëzime ndërmjet Universiteteve Shqiptare dhe atyre italiane, i fundit ishte, marrëveshja qe u nënshkrua ndërmjet Politeknikut te Torinos i cilësuar si nder më të mirët në Europë dhe atij të Tiranës. Pak kush e di se vetëm në politeknikun e torinos studiojnë 100 studentë shqiptare, të cilët rektori Profumo, i quan 'me një nivel të shkelqyër'. Firera ka një lidhje të ngushtë me studentet tanë, të cilët i cilëson “Inteligjentë, të vendosur dhe me objektiva të sakta.”

Pas shumë aktivitetesh dhe konferencash të mbajtura nën emblemën e konsullatës shqiptare, siç ishte ai për 'Vdekjet e bardha', një ndër projektet e tij të ardhshme është dhe njohja e kontributeve të emigrantëve shqiptarë që punojnë në Itali, në vendlindjen e tyre. Projekt, të cilin ai uron qe 'Qeveria shqiptare te këtë për zemër'.

Kohët e fundit në ndihmë të komunitetit shqiptar në Piemonte të Italisë, është hapur dhe Redaksia e Gjuhës Shqipe në Radio Torino International, e cila çdo ditë nga ora 18 deri në orën 19 jo vetëm që informon qytetarët shqiptar me të rejat e fundit nga Shqipëria por transmeton dhe tingujt e muzikës shqiptare.

Procesi i integrimit të emigranteve shqiptar, sidomos atyre të Piemontes, ka kaluar nëpër disa faza të rëndësishme. Nëse sot, numri i firmave shqiptare është ne rritje, dhe bizneset tona në Itali, vazhdojnë t’i qëndrojnë fort erës se krizës financiare që ka prekur botën, kjo i detyrohet dhe njohjes që u bën Konsullata Shqiptare ne Torino, vlerave shqiptare në Itali.

‘Porta e shqiptareve ne Piemonte’, siç e kanë quajtur shpesh herë mediat shqiptare, ka ende projekte për të ardhmen, projekte për të cilat flet në një intervistë dhënë për sitin online 'Café Babel'.

Intevistoi Gerarta Zheji Ballo

Z. Konsull me 28 Qershor ne Shqipëri, u mbajtën zgjedhjet politike, te cilat panë fitues Partine Demokratike, fale dhe një te aleance post-elektorake me LSI-ne e Z. Ilir Meta. Çfarë pret komuniteti shqiptar ne Piemonte nga këto Zgjedhje?

Besoj se komuniteti shqiptar ne Piemonte, pret nga këto zgjedhje në radhë të parë, një erë ndryshimesh qofte nga pikëpamja e perspektivave, programeve dhe gjithë atyre projekteve që do të shërbejnë për të modernizuar dhe më tej strukturat e vendit. Përshembull, në këto vite u çua përpara një projekt që ka të bëjë me sistemin e njohjes së kontributeve të pensioneve ndërmjet Italisë dhe Shqipërisë. Shpresoj se Qeveria e ardhshme, do ta ketë parasysh këtë projekt.

Nëse do t’ju kërkoja të bënit një përmbledhje, çfarë do të nënvizonit nga karakteristikat e këtij komuniteti?

Është një komunitetet që po fiton dëshirën të jetë sa me shumë prezent në territor. Shumë gjëra kanë ndryshuar në këto vitet e fundit. Shqiptarët janë të vetëdijshëm se kujt i përkasin dhe krenar për identitetin e tyre kombëtar. Për këtë i detyrohemi rinisë shqiptare. Por duhet t’i themi ‘faleminderit’ dhe shqiptarëve të parë, që me sakrificat e tyre kanë ditur të vënë bazat për një të ardhme më të mirë për fëmijët e tyre këtu në Itali.

Cila është hapësira që zënë të rinjtë në këtë kontest?

Është një hapësirë, e mbushur me perspektiva të mira dhe shpresa. Kërkesat dhe nevojat që ata kanë i afrohen shumë të rinjve italian. Inteligjentë, të vendosur dhe me objektiva të sakta: këto janë karakteristikat e të rinjve shqiptar që studiojnë nëpër universitetet e Piemonte-s. Kam marrë pjesë disa dite me parë në një projekt te Bashkisë se Torino-s që ka të bëjë me të rinjtë e brezit të dytë. Kam filluar të flas për emigracionin e popullit italian, për të evidentuar ciklet më të cilin përsëriten këto ngjarje dhe për të shpjeguar sa shumë duhet që njeriu të kujdeset për identitetin e një populli.

Me 26 Qershor është inauguruar tek ‘Antichi Chiostri,in via Garibaldi 25’ ekspozita fotografike ‘Shqipëria zbulohet. Pamje të një historie që vazhdon ende’ e cila u ndoq nga konferenca me titull “Emigracioni dhe Integrimi”. Kjo lidhej me temën e gjerë të fenomeneve emigratore dhe mbartja që i bën njeriu në të gjitha epokat.







Dhe cilat ishin përshtypjet tuaja ne këtë eveniment?

"Shqipëria zbulohet” ishte një ngjarje shumë e rëndësishme, që ka përfshirë te gjithë komunitetin shqiptar në Piemonte. Të tregosh historinë dhe origjinën e një Populli është fondamentale. Është e rëndësishme dhe që territori pritës të kujtojë më mirë aspektet sociale dhe njerëzore te proceseve historike që kanë ndodhur. Në Piemonte ka shumë vetëdijshmeri për këtë. Tashmë konceptet sociale egoiste, privatiste/individualiste janë një fakt i tejkaluar,.


Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 582 here