9/16/2009 7:01:08 PM

Europa lë përsëri jashtë Shqipërinë

Me miratimi e qeverive, Komisioni Europian ka propozuar te ndryshoje rregullat për vizat e vendeve te Ballkanit Perëndimor, por jo për të gjithë.

Nga Doriana Metollari
16 Shtator 2009

BRUKSEL (BELGJIKË) - Qytetarët e Ballkanit sot kanë nevoje për një vize, qofte dhe afatshkurtër për te hyrë në zonën Schengen. Një vize që do të mund të zgjidhte shume probleme.

Si fillim do te zhdukte ndarjet brenda vendeve Europiane sidomos ato ndërmjet vendeve të Ballkanit dhe Bashkimit Europian. Me miratimi e qeverive, Komisioni Europian ka propozuar te ndryshoje rregullat për vizat e vendeve te Ballkanit Perëndimor, por jo për të gjithë.

Fillimi i krijimit të një 'muri të ri' në rajonin Ballkanik apo integrim i ngadaltë? Është kjo pyetja qe bene shume europarlamentare të cilët kanë hedhur mbi tavolinën e Presidentit të ri të sapozgjedhur te KE-se José Manuel Barroso, vërejtjet dhe pyetjet e vendeve te tyre. Një prej te cilave mund te jete dhe 'impakti do te kishte ky vendim për vendet e tjera te Ballkanit Perëndimor'.

Vizat dhe rregullat e reja

Sipas propozimit te Komisionit, vetëm qytetaret me origjine nga Maqedonia (FYROM), Serbia e Mali i zi do te munden, që nga Janari i vitit 2010 - të hynë lirisht në BE dhe për periudha afatshkurtër, por vetëm nëse kanë pasaportë biometrike. Ndaj këtij vendimi mbeten të përjashtuara vende si Shqipëria e Bosnia-Hercegovina. Deputetët europian që kritikuan këtë propozim, e quajtën diskriminues dhe i kane kërkuar shpjegime Komisionit dhe qeverive.

Perse vetëm tre vende?

Komisioni ka shpjeguar se hapja parciale e kufijve europian është e justifikuar për Maqedoninë, qe ka plotësuar te gjitha kriteret e BE-se për sigurinë, luftën kundër emigracionit klandestin, kontrollit te forcave te rendit dhe mbrojtjen e dokumenteve, kritere këto qe sipas KE-se nuk janë plotësuar nga Shqipëria dhe Bosnie-Herzegovina. Por për Komisionin, dialogu mbetet i hapur dhe ‘do te behet gjithçka për t’i ndihmuar këto vende te plotësojnë kriteret’.

Kritikat

Anëtaret e Komisionit Parlamentar për Çështjet e Punëve te Jashtme shprehen shqetësimin e tyre per ndarjet qe mund te krijoje vendimi europian ndërmjet vendeve ballkanike: pabarazi ne trajtimin e rezidenteve të një rajoni, madje brenda te njëjtit vend. Ne Bosnje, shume serbo-boshnjak kane pasaportën boshnjake dhe atë serbe. Për ta, hyrja ne BE do të jetë shumë më e vështirë sesa për bashkëkombësit e tyre.

Sipas parlamentareve vendimi final duhet të mbajë në konsiderate ‘impaktet ne luftën kundër kriminalitetit te organizuar’ ne vendet ballkanike dhe zhvillimin e përgjithshëm te rajonit. Komisioni do te prezantoje raportin vjetor për progreset e vendeve te zonës ballkanike me date 14 tetor.

HermesNews - ©2009

Dërgo me email | Stampo artikullin | Artikulli është lexuar 484 here