9/15/2009 10:32:02 AM

Transformimi në post komunizëm

Nuk është vetëm ana e jashtme e jetës sonë që ka ndryshuar. Këto transformime kanë ndryshuar rrënjësisht dhe vazhdojnë të ndryshojnë aspektet më intime dhe personale të jetës së përditshme

Nga Manjola Baci
15 Shtator 2009

Psikologji - Izolimi, hendek i pakapërcyeshëm për shumë vite. Është shkruar dhe botuar shumë për ato vite të gjata të nënshtrimit dhe injorancës, për sistemin autoritar, që vendoste sesi te jetonin te tjerët dhe kur u ndoq modeli komunist i imitimit, njerëzit e patën te vështire te krijojnë individualitetin e tyre.

Prandaj, pas rënies së murit, njeriu i ri i post-komunizmit, pas zhytjes në humnerë dhe skamjes tejskajshme, ndodhej përballë nocionit të së resë, me të cilën do t’i duhej të jetonte çdo ditë.

Kësaj i shtohej dhe stresi që nuk mund ta eliminojë, pasi ka nevoje për tendosje dhe shtendosje që është bazë i proceseve biologjike dhe psikologjike.

Me këtë dua te ndaj stresin, ne: pozitiv, si shkollimi, puna, dashuria, martesa dhe negativ: ai që dëmton shëndetin dhe shkurton jetën. Ajo qe ndodh tek njeriu i survejuar gjatë gjithë kohës, mosqënit i lirshëm, pra vetvetja, ngacmon tek njeriu stimuj të brendshëm dhe të jashtëm si; ndjenja faji, turpi, frike, zemërimi, agresivitet të cilët degradojnë mentalitetin psikik dhe krijojnë një shoqëri vulnerabël, me pasoja të traumave dhe ngjarjeve e me ndodhi të pakëndshme.

Vazhdimësia në trajektoren e jetës

Nuk është vetëm ana e jashtme e jetës sonë që ka ndryshuar. Këto transformime kanë ndryshuar rrënjësisht dhe vazhdojnë të ndryshojnë aspektet më intime dhe personale të jetës së përditshme.

Gjithë elektriciteti ynë të përcillet dhe do të japë dritë aty ku njeriu ka nevoje. Është njësoj sikur mbledhim copat e letrës që janë grisur dhe të mundohemi të mbajmë një vijë të drejtë.

Në këto rrethana mund të ndryshojmë shoqërinë tradicionale me atë moderne gjithmonë duke alternuar njëherë njërën dhe njëherë tjetrën, duke qenë në ekuilibër me të dy kohët. Ndryshimi vjen prej nesh dhe jo ajo çfarë paraqet para nesh. Të sigurohemi që gjërat ti bëjmë më mirë se dje dhe nesër më mirë se sot.

HermesNews - ©2009

Dërgo me email | Stampo artikullin | Artikulli është lexuar 563 here