9/12/2009 3:46:28 PM

11 vite nga vrasja e Azem Hajdarit

Eshte kujtuar sot 11 vjetori i vrasjes se Azem Hajdari, simbol udhëheqës i Lëvizjes Studentore të vitit ’90.

12 Shtator 2009
info@hermesnews.org

TIRANË - Kryetarja e Kuvendit të Shqipërisë, Jozefina Topalli bëri sot homazhe në memorialin e Heroit të Demokracisë, liderit të lëvizjes studentore, deputetit Azem Hajdari, në përkujtim të përvjetorit të ndarjes së tij nga jeta. Po sot dhe Presidenti i Republikës, Bamir Topi zhvilloi një vizitë në familjen e Azem Hajdarit, me rastin e 11-vjetorit të ndarjes nga jeta në mënyrë tragjike, të njërës prej figurave më të ndritura të historisë së pluralizmit dhe demokracisë në Shqipëri. 'Vitet kalojnë shumë shpejt, por Azemi mbetet në memorien e gjithësecilit, sidomos të miqve dhe të shokëve të tij. Një njeri shumë i veçantë, me një karakter të fortë, gati-gati të papërsëritshëm. Kjo është arsyeja që ne e kujtojmë Azemin jo vetëm në përvjetorin e rënies së tij, por në çdo moment tjetër kur flitet për heronj', - tha Kreu i Shtetit në një prononcim për mediat.

HermesNews - ©2009

Dërgo me email | Stampo artikullin | Artikulli është lexuar 451 here