8/2/2009 11:20:59 AM

Kerkohet ndihme urgjente nga shteti, por asgje per zonen e Nivices

Zjarri pushton Nivicen, ndersa asnje ndihme

Laureta Rroshi
lauretaroshi@hotmail.com
2 Gusht 2009

NIVICE (SARANDE)- “Kërkojmë ndihmë nga ministria, pasi zjarri është në zonë të banuar” deklaronte në një lidhje të drejtëpërdrejtë për një nga televizionet qendrore, pas 8 orë përpjekjeve për shuarjen e zjarrit. Apeli I kryekomunarit Vladimir Kumi ishte për dërgmin e helikopterëve ndërsa në gadishmëri ishin zjarrëfikësit, të cilët e kishin të pamundur fikjen e tij për shkak edhe të erës së fortë që e përhapte dhe terrenit malor. Lajmi se “Nivica digjej” u hap menjëherë. Nga Saranda, pasi kalon Qafën e Gjashtës, rruga ndahet në dy drejtime, ku ai djathtas të shpie në delvinë e Gjirokastër dhe drejtimi majtas në Nivicë, në rrugën e Bregut.

Pasi dalim nga trafiku I ngarkur I Sarandës qetësia bie në rrugën e re e të pandricuar të Bregut, era fut brenda makinës tymin e plehrave që digjen dhe befas “mjegulla” bllokon rrugën. Eshtë e pamundur të udhëtojmë, as dritat e gjata mbi rrugën e re nuk e cajnë mjegullën e pluhurit mbi rrugë. Ndalemi aty, jemi në Volloder. Jashtë makine pluhuri na mbulon dhe frymarrja na rëndohet, zhurrmë makinerish gërmojnë në të majtë mbi rrugë. Janë guroret e Volloderit, që të kujtojnë protesatat e banorëve që flenë në të djathtë të rrugës, në Shelegar. Arrijmë të nxjerrim makinën nga reja e pluhurit me “drita të forta” dhe ecim drejt dritave të Nivicës. Aty nën rrapin shekullor në mes të fshatit janë një pjesë e grupit që ka punuar ëpr shumë orë në majën e fshatit që zjarri të mos përfshinte shtëpitë.

“Lusim që era të mos fryjë, kështu zjarrit I shpëtojnë banesat”, pohon kryeplaku I fshatit Nivicë, Klement Baxheri nën rrapin e fshatit, në orët e vona të mesnatës, ndërsa flaka ndizte qiellin në majën e malit, aty ku dallohen edhe dritat e shtëpive më të fundit të Nivicës. “ “Komunikova gjithëandej por nuk shoh reagim, qeveria është duke I bërë sehir të sotmes duke mos reauar, po e nesërmja .. nëse pylli digjet të gjithë duhët të ikin, është kjo kurorë që e mban fshatin.

Në Nivicë janë 300 shtëpi më tepër se 1 mijë banorë, zjarri I rënë rreth orës 2 pasdite të së dielës , në një pyll 350 metër mbi nivelin e detit,në shpatin juglindor të malit të Shëndëllisë, ndërsa shpati jugor mbi mbi gjirin e Kakomesë, përballë Korfuzit.

Nga Korfuzi ishte telefonuar pasdite nga bashkiaku I Korfuzit, I cili priste fax-is zyrtar të Tiranës për të ndërhyrë me helicopter nga ajri, ashtu si tre ditë më parë në Kodër të Livadhjajsë, ku u ndërhy nga ajri për shuarjen e zjarrit..Por e dielë dhe asnjë reagim nga emergjencat përvec pranisë së dy zjarrfikësve të Sarandës. Madje në Nivicë kish ardhur edhe kryetari I komunës Livadhja, irodhi dalani për të ndihmuar në përkthimin e gjuhës greke nëse do të nisej helikopteri nga Korfuzi drejt Nivicës.

Koli një nga zjarrëfikësit e turnit tregoi se ishin të mbetur nën flakë edhe disa thaës me sherebelë, cka sipas tij përkonte e zjarrin e ndezur. Zjarrëfikësit ndërhynë të ndihmuar nga banorët për hapjen e një brezi ndalues, po orë pas ore pasditen e së dilelës pylli I Nivicës digjej dhe nga e era e fortë zjarri përhapjej shpejt, e 30 hektarë të djegur rezultuan mesnatën e së dielës, ndërsa zjarrfikësit shënuan në librin e punës se “Zjarri vazhdon”. Kurora e pyllit me drurët e rrallë gjetherënës e gjthegjelbër gjithë vitin e rrethuar nga flakët dhe lutja e njerëzve ishte që era të mos frynte dhe zjarri të mos përhapjes përtej brezit të hapur me krahë.

Aty rreth rrapit madhështor, me moshë shumë shekullore, ata niviciotët flasin të lodhur nga heshtja zyrtare dhe kujtojnë se është e njëjta heshtje si për kakomenë, dhe se ata po ndëshkohen pa ndihmë për rezistencën e tyre ligjore në mbrojtje të pronës së shtetit dhe pronës së tyre të trashëguar. Historia e Kakomesë ngërthen ajrin ndërsa digjet lodhja e një dite përpjekjesh për të fikur zjarin dhe për tu zhytur në një lutje të heshtur që erë të mos ketë e zjarri të mos përhapet..

Hermesnees©AllRightsReserved
Çdo riprodhim i paautorizuar ndëshkohet sipas ligjeve në fuqi

Dërgo me email | Stampo artikullin | Artikulli është lexuar 591 here