7/9/2009 11:21:24 AM

Klandestinët do të gjobiten me të vërtetë?

Këshillat e avokatit/ Përshëndetje Z. Avokat. Jam një shqiptar me banim në Itali, si shumë emigrantë të tjerë. E ndjek çdo herë rubrikën e 'Këshillat e avokatit' dhe ju falënderoj për përgjigjet qe jepni për çështje praktike ne jetën e përditshme. Kohët e fundit kam lexuar shumë për disa ligje të reja që po miraton qeveria italiane. Bëhet fjalë për ligjin kundër klandestinëve, të cilët tani e tutje do të gjobiten nëse janë pa dokumente. Ju lutem a mund të ma e sqaroni pak më shumë këtë normë?

9 Korrik 2009
info@hermesnews.org

ROME (ITALI) - Me datën 2 të këtij muaj Senati i Italisë aprovoi në mënyrë definitive, një serë nenesh ndër të cilat dhe disa që ashpërsojnë më tej përballimin dhe kundërshtimin e imigrantëve pa dokumente.

Në radhë të parë dua t’ju them se këto modifikime akoma nuk kanë hyrë në fuqi, pasi pritet firmosja e tyre nga Presidenti i Republikës dhe publikimi ke fletoren (gazetën) zyrtare.

Gjithsesi, dua të specifikoj që një nga masat më të dukshme është parashikimi i qenies klandestin si shkelje e ligjit penal, edhe pse kjo shkelje parashikohet të dënohet me një gjobe që shkon nga 5.000 deri në 10.000 € dhe jo me burg. Ky dënim mund te jepet si për ata që kanë hyrë pa dokumente dhe për ata që ndodhen pa dokumente ne territorin italian, edhe pse mund te kenë hyre me një vizë të rregullt.

Tjetër modifikim i është bërë mënyrës se largimit nga Italia (espulsit efektiv), duke e bërë atë më të shpejt dhe të drejtpërdrejt nga shefi i policisë. Gjithashtu duhet theksuar që një nga nenet e mësipërme parashikon një dënim akoma më të rrepte për ata (italiane ose të huaj) që japin shtëpitë me qira, ose mbajnë ne shtëpitë e veta, klandestine. Dënimi i tyre shkon nga 6 muaj ne 3 vjet burg.



Av. Lulzim Hamitaj
info@studiolegalehamitaj.com
00 39/ 06 3225895

Me ne fund do te doja te përmendje qe është zgjatur edhe kohe-mbajtja ne qendrat e identifikimit për klandestinet qe nuk kane asnjë dokument identifikimi me vetë. Kjo periudhe kohe kalon nga 2 muaj ne 6 muaj. Uroj fat të mbarë, pasi do të kenë nevojë, gjithë atyre që mund të cenohen nga kjo rreptësi ligjesh.



Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 510 here