7/3/2009 4:59:50 PM

Blouin shpreh interes per turizmin ne Shqiperi

Blouin shprehu kënaqësinë të bashkëpunonte me qeverinë shqiptare për promovimin e kulturës dhe turizmit shqiptar.

3 Korrik 2009
info@hermesnews.org

TIRANË - Kryeministri Berisha priti sot Presidenten e Fondacionit Blouin, znj. Louise Blouin. Fondacioni Blouin vepron kryesisht në fushën e artit, kulturës dhe turizmit dhe publikon 165 botime. Fondacioni shtrihet në disa vende të rajonit si Greqi, Kroacia, Malin e Zi. Znj. Blouin shprehu veçanërisht interesin e Fondacionit që ajo drejton për potencialin turistik të Shqipërisë.

Kryeministri Berisha falënderoi znj. Blouin për interesin e shfaqur për të punuar me qeverinë shqiptare në promovimin e kulturës dhe turizmit shqiptar. ''Shqipëria, u shpreh Kryeministri, ka një vijë bregdetare të mrekullueshme, me një pasuri kulturore që është pjesë e trashëgimisë botërore, është e pasur me site arkeologjike dhe ka potenciale të mëdha turistike.''


RadioStinet-Hermesnews: Edicioni informativ 3 Korrik 2009

HermesNews - ©2009

Dërgo me email | Stampo artikullin | Artikulli është lexuar 220 here