7/2/2009 6:54:21 PM

LSI, zgjedhjet pa standarte

Vasili: 'LSI kërkon respektimin e Kodit Zgjedhor, i miratuar nga vetë këto parti, si dhe të gjitha procedurat e ligjshme të ankimimit të institucioneve të ngarkuara me ligj.'

2 Korrik 2009
info@hermesnews.org

TIRANË - Lëvizja Socialiste për Integrim (LSI) i bëri thirrje të enjten dy partive kryesore në vend, PD dhe PS, të presin me qetësi rezultatin e zgjedhjeve të përgjithshme të 28 qershorit.

Duke iu referuar situatës së rënduar politike të ditëve të fundit, Sekretari i Përgjithshëm i LSI-së, Petrit Vasili, kërkoi nga dy forcat e mëdha politike, PD dhe PS, që ta çtensionojnë atë. "Imazhi i vendit është cënuar rëndë nga këto zgjedhje pa standarde dhe çdo hap i mëtejshëm i papërgjegjshëm lidhur me tensionimin e situatës do të çonte në një prishje të imazhit të vendit për procesin e integrimit, ku përgjegjësia do të rëndonte mbi këto dy forca politike", tha Vasili.

HermesNews - ©2009

Dërgo me email | Stampo artikullin | Artikulli është lexuar 155 here