7/2/2009 6:52:38 PM

Berisha thirrje per qetesi

Duke ftuar mbështetësit dhe aktivistët e PD-së që të ruajnë një gjakftohtësi qytetare, Kryeministri Berisha bëri thirrje që të zbatohet ligji.

2 Korrik 2009
info@hermesnews.org

TIRANË - Kryeministri Sali Berisha, njëkohësisht Kryetar i Partisë Demokratike, deklaroi sot se "Edi Rama mund të organizojë protesta sepse ky është vend i lirë, por në mënyrë absolute nuk mund të ndryshojë nëpërmjet protestave, as edhe me një votë rezultatin e këtyre zgjedhjeve". Gjatë një konference për shtyp në selinë e PD-së, Kryeministri Berisha komentoi situatat e krijuara në disa KZAZ nga kandidatët për deputetë dhe simpatizantët e Partisë Socialiste. "Pas një trendi thellësisht të qytetëruar dhe paqësor të procesit zgjedhor, 24 orët e fundit falangat e krimit në PS-së, të udhëhequra nga Edi Rama, po bëjnë çdo përpjekje për të bllokuar këtë proces. Dje në orët pas mesnate, Andis Harasani, deputet i PS-së, me sjelljen e një banditi ordiner, sulmoi me karrige para kamerave të lokalit ku numëroheshin votat, njeriun e ligjit, komisionerin e PD-së në Rrogozhinë, për fajin e vetëm se ky komisioner po zbatonte ligjin", u shpreh Kryeministri Berisha.

HermesNews - ©2009

Dërgo me email | Stampo artikullin | Artikulli është lexuar 160 here