6/30/2009 11:30:45 AM

'Shqipëria zbulohet', sukses i padiskutueshëm në Torino

Sukses i padiskutueshëm i Shqipërisë në Torino. Firera: 'Vlerat qe u dhamë rendësi, gjatë kësaj rruge dhe pune delikate, qenë bashkimi, puna e mirë dhe ndershmëria, qe dhe një here gjeten arsye me shume sesa vlerat e tjera negative.'

Nga L. Palavj
30 Qershor 2009

TORINO (ITALI) - Në Torino, Shqipëria shënoi një tjetër sukses. Dhe kësaj herë komuniteti shqiptar pati para syve bukurinë e historisë se vendit te tij, përmes një manifestimi që preku standardet më të larta. Një pune e jashtëzakonshme për imazhin e popullit shqiptar u prezantua dhe një herë në Torino.

Kësaj here manifestimi u organizua nga organizata italiane, që diti të zgjedhë karakteristikat më të mira të identitetit shqiptar përmes një ekspozite fotografike të arkivit Marubi, fotografi që folën për historinë e së kaluarës. Aktiviteti gjeti konsensusin popullor dhe institucional.

‘Arcadia’ dhe ‘Idee Migranti’ tashmë i kanë berë të vetat këto aktivitete dhe i kane transformuar ne atë që të gjithë ditën të vlerësonin gjate manifestimit për inaugurim, që u zhvillua pranë sallës artistike prestigjioze të ‘Antichi Chiostri’ në qendër të ‘Via Garibaldi’. Me pas në një konferencë personazhe të njohur relatuan pranë qe ashtuquajturit ‘Circolo dei Lettori’, (Rrethi i lexuesve), ku një vit me parë Konsulli i Shqipërisë në Piemonte Giovanni Firera kishte pritur 'te madhin' Ismail Kadare.

Përveç personaliteteve të mëdha të shoqërisë Torineze, në inaugurim ishin prezent Znj. Nausika Spahiu, Konsulle e Shqipërisë në Milano, Konsulli Honorar i Piemonte-s, Z. Giovanni Firera dhe përgjegjësi për Integracion në Qytetin e Torinos Ilda Curti.

E rëndësishme ishte pjesëmarrja e botes diplomatike, piemonteze; përfaqësuesit konsullor te Mongolia-s, Islande-s, Portugalisë, Kilit, Perusë, shfaqën dëshirën te falënderonin me prezencën e tyre ne historinë e Shqipërisë. Në manifestim ndërhynë veç të tjerëve dhe dekania e trupit konsullor në Piemonte Liliana Gomez, qe solli përshëndetjet dhe komplimentet për iniciativën e tere trupit konsullor ne Piemonte, nje motiv me tepër ky për ta gjykuar këtë iniciative pozitive.

Konsulli i Mongolia-s Lamberto Guerrer tha se: 'Manifestimi ashtu siç diti ta beje, konsulli honorar Giovanni Firera janë shembuj te qarte sesi mund te bëhen te dukshme për mbare boten karakteristikat e vendeve qe ne prezantojmë. Vendet tona kane nevoje për burra qe kane lehtësi komunikimi, te integruar dhe njohës te sistemit politik e social te rajonit ku punojnë. Shqipëria, dhe një here me këtë manifestim, tregoi se ishte ne qendër te interesave kulturave te qytetit te Torinos'.

Mbasdite pranë ‘Circolo dei Lettori’, ne qendrën e kulturës në Piemontes, u zhvillua Konferenca me teme: 'l’immigrazione e l’integrazione', (emigracioni dhe integrimi) qe pa pjesëmarrjen e shume personazheve të kulturës, së Universitetit dhe Institucioneve së bashku dhe me një pjesëmarrje te larte te publikut.

I veçante ishte dhe ndërhyrja qe beri, Përgjegjësi për Kulturën ne ‘Regione Piemonte’, Gianni Oliva, historian me fame ndërkombëtare, qe deshi te nënvizonte rendësin e historisë dhe njohjes së proceseve të emigrimit. Manifestimi drejtohej nga gazetari i RAI-t ne Trieste Antonio Caiazza. Ai është dhe autor i një libri për Shqipërinë titulluar “In alto Mare”, që mbasdite u prezantua ne 'Collegno' dhe pranë selisë së “CNA” ne Torino në bashkëpunim dhe me shoqatën “Albania in Piemonte” te Presidentit Brataj.

“Një sukses i padiskutueshëm ne këtë manifestim, – tha konsulli Honorar Giovanni Firera, – është fakti se dhe një here u vu ne pah Shqipëria dhe historia e saj. Vështirësitë për realizimin e këtij manifestimi, kane qene te shumta, por rezultati final na pagoi me arritje te larta te ditëve te kaluara. Vlerat qe u dhamë rendësi, gjatë kësaj rruge dhe pune delikate, qenë bashkimi, puna e mirë dhe ndershmëria, qe dhe një here gjeten arsye me shume sesa vlerat e tjera negative. Shqipëria është një vlere absolute e cila nuk vihet ne dyshim. Detyra ime është te çoj përpara këto vlera dhe imazhe me këtë manifestim dhe objektivi u arrit'. Sot ne Torino asistuam ne një sukses te vërtetë ne favor te Shqipërisë.





Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 556 here