6/26/2009 9:49:41 AM

Eksluzive/ Intervistë, Sokol Olldashi kandidat për deputet në listën e PD-së për Qarkun Fier

Kontakt me politikanin/ 'Qarku i Fierit e ka treguar edhe ne zgjedhjet lokale te 2007 se tashme është kthyer ne mbështetës te PD-se për faktin e thjeshte se ato banore duan me shume rruge, ujë e drita,me shume shkolla, shërbime e mirëqenie sepse e meritojnë dhe duhet ta gëzojnë edhe myzeqaret demokracinë.'

26 Qershor 2009
info@hermesnews.org

Zoti ministër, ju lutemi a mund të na thoni për gazetën online ”Hermes News” si janë realizuar 3980 km rrugë të asfaltuara në të katër anët e Shqipërisë?

Shume i thjeshte është shpjegimi për ju gazetaret, i nderuar. Ne, qeverisja demokratike siguruam fondet dhe ne vend qe ti absorbonim ne xhepat tone si katër vite me pare, i orientuam tek asfaltimi i rrugëve, ndërtimi i ujësjellësve dhe shkollave për shqiptaret. Dhe nuk do ta ndërpresim këtë rruge edhe pas 28 qershorit. Ju e dini ashtu si edhe opinion publik qe Sokol Olldashi ndonëse është administrator me i madh i fondeve buxhetore te investuara nuk është akuzuar qofte edhe për një segment te vogël rruge apo objekti. Dhe kjo është e thjeshte për ne shqiptaret po te mos ushqehemi me hudhra nuk na vjen era. Me thjesht akoma për ju te medias qe keni vështirësi ne matjen e informacionin për objektet e përfunduara, do t’ju lutesha te prisnit edhe 6-7 muaj dhe pastaj te kaloni ne te katër anët e vendit nëpërmjet autostradave te ndërtuara sipas standardeve bashkëkohore. Jam i sigurt qe është e pabesueshme për skeptiket e kukuvajkat qe vajtojnë gjoja “Hallet e Popullit” nuk e besojnë, por ne do t’ju bëjmë rrugët shqiptareve ashtu siç ju kemi premtuar.

Ku i keni gjetur gjithë ato fonde, veçanërisht për rrugën Durrës – Kukës?

Unë besoj se jam i qarte por përsëri e them, fondet dhe shqiptaret janë këtu, administrimi i fondeve dhe orientimi i tyre me përgjegjësinë e pushtetarit te ndershëm detyrimisht te obligojnë jo vetëm për te vjelur rezultate te punës, por te mbetesh edhe krenare për ato qe ke bërë. Edhe njëherë ne nuk kemi vjedhur taksapaguesit shqiptare,nuk e kemi shpërdoruar as pushtetin dhe as besimin e zgjedhësve për këtë jemi krenare dhe ju kërkojmë përsëri votën e tyre. Harruat qe 170 milion dollarët e taksës Majko kane humbur pa nam e nishan, ndërkohë qe vetëm për këtë vit janë investuar mbi 1 miliard dollarë investime ne infrastrukture ne Shqipëri. Për katër vitet e ardhshme do ti katërfishojmë këto fonde, pra do te realizojmë standardet e do te përmbushim aspiratën e te gjuhe shqiptareve, te ulemi ne vendin qe e meritojmë ne BE.

Qarku i Fierit është mbështetës i se majtës. Si e keni menduar thyerjen e këtyre bastioneve? (ndërkohe qe ka 16 deputet dhe vjen i dyti pas Tiranës për numrin e deputeteve.)

Ne me pare se gjithçka kemi moralin t’ju themi Fierakeve, zgjedhësve te Mallakastrës, Lushnjës e zonave përreth, e mbajtëm fjalën, dëshmuam përgjegjësi ne ushtrimin e pushtetit, realizuam detyrat politike dhe jemi ballëhapur para elektoratit. Qarku i Fierit e ka treguar edhe ne zgjedhjet lokale te 2007 se tashme është kthyer ne mbështetës te PD-se për faktin e thjeshte se ato banore duan me shume rruge, ujë e drita,me shume shkolla, shërbime e mirëqenie sepse e meritojnë dhe duhet ta gëzojnë edhe myzeqaret demokracinë. Dhe jo vetëm për faktin se zoti Gramoz Ruçi nuk mund te sjelle mirëqenie, por ai dhe lloje i tyre nuk kane energji pozitive për te çliruar. Prandaj qarku i Fierit do te gdhihet me 28 qershore blu e do te radhitet me Shkodrën, Tiranën, Korçën Elbasanin e Durresin. Është e padiskutueshme fitorja e PD-se,forcave nihiliste ju mbetet te festojmë veçse se bashku me te tjerët fitoren e te djathtëve.





Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 451 here