6/23/2009 11:37:59 AM

Fatmir Sejdiu, merr sot nje leter nga homologu francez Sarkozy

Presidenti francez Sarkozy, uron Fatmir Mediun

info@hermesnews.org
23 Qershor 20096

PRISHTINE- Presidenti i Republikës së Kosovës, Fatmir Sejdiu priti sot Ambasadoren e Francës në Kosoe, Dolphine Borione, e cila me këtë rast i dorëzoi Presidentit Sejdiu një letër drejtuar atij nga Presidenti i Francës, Nikolas Sarkozy.

Në letrën e presidentit Sarkozy thuhet se “gati një vit e gjysmë pas pavarësisë së tij, Shteti juaj ka ditur të afirmohet në skenën ndërkombëtare dhe pakthyeshmëria e ekzistimit të tij i është imponuar të gjithëve. Njohjet e fundit të vendit tuaj sikurse edhe hyrja e kohëve të fundit në institucionet më të rëndësishme financiare dëshmojnë për dinamizmin e procesit në të cilin ai është angazhuar.

Me vullnetarizëm, ju keni ndërmarrë përsipër që të udhëhiqni reformat delikate të nevojshme për të konsoliduar demokracinë dhe shtetin e së drejtës në Kosovë, në respekt të plotë të vlerave evropiane. Ju keni sjellë një kontribut personal vendimtar ndaj përpjekjeve që kanë për qëllim që t’u japin vendin e merituar bashkësive të ndryshme që e përbëjnë Kosovën dhe në këtë mënyrë të forconi stabilitetin regjional.

E di për rëndësinë që ka për juve afirmimi i një Kosovë stabile, të prosperueshme dhe në rrugën e Evropës. E njoh po ashtu edhe vullnetin tuaj për të punuar në përforcimin e lidhjeve miqësore dhe të besueshmërisë në mes të dy shteteve tona.

Franca e përkrah plotësisht Republikën e re të Kosovës dhe jam shumë i kënaqur me bisedën që kam pasur me Kryeministrin tuaj, z. Hashim Thaçi, në 8 qershorin e fundit. E kemi përmendur së bashku atë që vendi juaj e ka bërë tashmë, por gjithashtu edhe progreset që mbesin për t’u përmbushur. Do të gëzohesha t’ju ftoja në një moment, të cilin do të duhet ta përcaktojmë me kujdes së bashku, për të paraqitur takimin tonë si njohjen e kalimit të një etape të re prej shtetit tuaj", thuhet në letrën e Presidentit Nikolas Sarkozy drejtuar Presidentit të Republikës së Kosovës.

Sondazh/ Cili duhet të jetë Kryeministri i ri

HermesNews-©2009

Dërgo me email | Stampo artikullin | Artikulli është lexuar 127 here