Video

nga Doriana Metollari
drejtorhermesnews.org
28 Shkurt 2009

TIRANË - Dhurimi i gjakut, përfshihet në erën e ndryshimeve të shumta që po ndodhin në Shqipëri. Shoqata e parë vullnetare (DHVGJ), u themelua me kontributin e dok. Natale Capodicasa, drejtor i laboratorit te analizave klinike pranë poliambulatorit te Fondacionit ‘Zonja e Këshillit te Mire’ (Rruga Kavajës, 120, Tirane). Qe prej vitesh me banim ne Shqipëri, themeluesi i saj vlerësohet për kontributin qe i ka dhënë në çështjen e dhurimit te gjakut. Sigurisht të parët ata donatorë që dhanë kontributin e tyre ishin pikërisht studentet e këtij Universiteti.

Përgjegjësi dr. Natale Capodicasa tha për hermesnews se; “Qëllimi i këtij institucioni te dijeve është “përmirësimi i njohjeve dhe shpirtit të donacionit si akt njerëzor”, ndërsa në ceremoninë e inaugurimit shtoi se; “Sot erdhi momenti i solidarizimit”.

Dr. Natale Capodicasa

Inaugurimi i bë pranë ‘Aula Magna’ të këtij Universiteti ku u mbajt dhe një kurs shumënivelesh me titull: "Promotorë te dhurimit vullnetar të gjakut". Kursi u realizua falë kontributit të zyrës se ‘Bashkëpunimit për Zhvillim të Ministrisë së Jashtme Italiane’, ndërsa 60 operatorët vullnetarë të shoqatës janë certifikuar nga Ministria e Shëndetësisë.

Mësimet interaktive do të mbahen nga docentë shqiptare, italianë dhe studimet janë të strukturuara me një program të artikuluar (I niveli: informacion i përgjithshëm për gjakun dhe derivatet e tij/II nivel: normativat e donacionit për vullnetarizmin/ III nivel: promovim i kulturës se vullnetariatit dhe komunikimit efikas në impenjimin social).

Çdo nivel - kursi do të mbahet për dy të shtuna nga ora 09.00 në 13.00 sipas këtij kalendari (niveli i I-re: shtunë 21 shkurt e 28 shkurt/ niveli i II-te: shtunë 7 mars 21 mars / niveli i III-te: shtune 4 prill e 18 prill). Në këtë inaugurim qenë të ftuar përfaqësues te Ministrisë se Shëndetësisë Shqiptare dhe Ambasadës italiane.

Përveç docenteve të kualifikuar si drejtoresha e Qendrës Transfuzionale Kombëtare dr. Irena Qëndro, morën pjesë dhe prof. Rosita Orlandi e FIDAS (Puglia), dr. Ozino Calligaris president i FIDAS Kombëtar e Prof. Maria Teresa Letta përgjegjëse për Kryqin e Kuq italian për Ballkanin; konsulli shqiptare honorar për Shqipërinë ne Torino, dr. Giovanni Firera i njohur si promotor i iniciativave kulturore në favor të shqiptarëve në Itali dhe zv. Ministri i Shëndetësisë Shqiptare Arben Ivanaj.

“Suksesi i këtij manifestimi që pati si qëllim, promovimin, sensibilizimin e opinionit publik, institucionet publike dhe ato shqiptare tregon se ndryshimet e mëdha të këtyre viteve, po ndodhin me një ritëm të shpejtë. Sensibilizimi i njerëzve dhe për më tepër i të rinjve që janë motori kryesor i këtij problemi, ndihmon për të kuptuar rëndësinë e dhurimit të gjakut, për të shpëtuar jetë të pafajshme, tashmë mund të konsiderohet një fakt i kryer të paktën për disa shtresa të popullsisë. Impenjimi që kanë vënë personalitetit si Rektori i Universitetit te ‘Zojës së Këshillit të mirë’ e Dott. Prof. Capodicasa, ishte themelor. E rëndësishme është se institucionet prezentë, të marrin pjesë me bindjen për të zhvilluar atë çfarë pritet nga secili prej tyre. Impenjimi im në krah të organizatës shqiptare që udhëhiqet nga Capodicasa ka filluar vite më parë."

Konsulli, Giovanni Firera,
Zv.Ministri i Shëndetsisë Arben Ivanaj

"Që prej themelimit te tij, e kam mbështetur këtë iniciativë dhe është qëllimi im të gjej kontribute në territorin italian, një emotekë (bankë gjaku) për t’ia dhuruar shoqatës në Shqipëri,”- tha për Hermesnews, Konsulli Honorar Shqiptar Giovanni Firera.

Puna e këtij universiteti pritet t'i japë një tjetër kontribut zhvillimit të ndryshimeve në Shqipëri, në emër të shoqërisë dhe bashkëpunimit, përveç solidaritetit njerëzor dhe institucional.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 549 here